Ashtu siç kishte njoftuar kohë më parë, super ylli i muzikës me origjinë nga Kosova, Dua Lipa e ka publikuar albumin e saj më të ri – “Radical Optimism”.
Përmes një postimi në mediat sociale, Dua u shpreh falënderuese ndaj fansave, për siç tha ajo, mbështetjen që merr në çdo hap.
“Radical Optimism është i juaji tani! Jam mirënjohëse përtej besimit për atë që më ka dhuruar ky album gjatë kohës së shkrimit dhe jam kaq e lumtur, e lehtësuar, e emocionuar e nervozuar duke qarë e ngazëllyer që më në fund është i juaji. Unë ju dua dhe ju falënderoj për të gjithë mbështetjen në çdo hap”, ka shkruar Lipa.
“Radical Optimism” është albumi i parë i plotë i Dua Lipës në katër vjet që nga “Future Nostalgia”, të cilin e lançoi në vitin 2020.
View this post on Instagram
