Ekipi ligjor i Drake, ka paraqitur një urdhër ndalimi të përkohshëm kundër një sulmuesi të dyshuar, për të cilin ai thotë se e ka ngacmuar atë për rreth pesë vjet, sipas TMZ.
Sipas dokumenteve të depozituara në një Gjykatë të Lartë të Qarkut të Los Angeles, veprimi ligjor vjen pasi avokati i Drake mori mesazhe shqetësuese që kërcënonin jetën e tij.
Drake po kërkon mbrojtje për djalin e tij katërvjeçar, Adonis Graham, të dy prindërit e tij: nënën Sandra Graham, 74 vjeç dhe babain Dennis Graham, 69 vjeç, si dhe avokatin e tij, Stanton Larry Stein, 77 vjeç.
Në ato dokumente të reja, Drake pretendon se gruaja, e cila u identifikua si 29-vjeçarja Mesha Collins nga Radar Online, u arrestua për depërtim në pasurinë e tij Hidden Hills, e cila është në Los Angeles, në prill të vitit 2017.
Por Drake thotë se situata shkon përtej një rasti të shkeljes, duke shpjeguar se si ajo ka qenë një kërcënim i vazhdueshëm në jetën e tij dhe se ajo është arrestuar disa herë gjatë këtyre pesë viteve.
“Collins ka kërcënuar jo vetëm Drake, por edhe djalin e tij dhe këshilltarin e tij”, thuhet në peticion. ‘Znj. Collins është një ndjekëse. Unë nuk kam asnjë lidhje me të,” u shpreh artisti.
Drake pretendon se përpjekja e Collins për të pasur kontakt me të shkoi deri në ngritjen e një rasti shpifjeje prej 4 miliardë dollarësh kundër tij dhe duke kërkuar një urdhër ndalimi nga ana e saj.
Ai e quajti veprimin e saj ligjor ‘të pavlerë’, duke shtuar, ‘përpjekja e saj e pabazë për të kërkuar një urdhër ndalimi kundër meje, dhe emailet për avokatin tim, ku ajo shprehet se dëshiron që unë të vdes dhe që avokati im të marrë atë që ai ‘meriton’.
Si pjesë e padisë, Drake paraqiti një deklaratë duke pretenduar se nuk e kishte idenë se kush ishte Collins para se ajo ta padiste atë.
Katër herë fituesi i Grammy thotë se ai po vuan ‘shqetësim emocional’ dhe frikë për sigurinë e tij dhe të familjes së tij si rezultat i ‘ngacmimit dhe obsesionit të saj me mua’, thuhet në dokumentin e ri.
Ai po i kërkon gjykatësit në këtë çështje që të detyrojë Collins të qëndrojë të paktën 100 metra larg tij, punës dhe shkollës së djalit të tij.
