Përfaqësuesit e Kanye West kanë pretenduar se një burrë ka sulmuar fizikisht dhe seksualisht gruan e tij Bianca Censori në një incident në Los Angeles.
Burimet i thanë më parë TMZ se West ishte duke u hetuar si i dyshuar në një incident në fillim të kësaj jave, pasi reperi dyshohej se kishte goditur një burrë që kishte rrëmbyer Censori.
Ekipi i reperit më pas ka lëshuar një deklaratë, duke thënë: “’Grabbed’ është jashtëzakonisht i papërshtatshëm si përshkrim i asaj që ndodhi.
Bianca u sulmua fizikisht. Sulmuesi nuk u përplas vetëm me të. I vuri duart nën fustanin e saj, direkt në trupin e saj, e kapi për belin, e rrotulloi rreth e rrotull dhe më pas e puthi. Ajo u rrah dhe u sulmua seksualisht.”
