Ndjekësit e Arbana Osmanit në rrjete sociale kanë parë që prezantuesja javën që lamë pas ishte në një nga resortet e Turqisë për pushime me djalin dhe prindërit.
Mirëpo, ende pa u kthyer mirë, Arbana ka nisur pushimet e tjera, vetëm se tashmë me dikë tjetër.
Prezantuesja e ‘Dua të të bëj të lumtur’ është ‘arratisur’ drejt Marrakech në Marok vetëm me Eduart Grishajn, regjisorin e programit i cili përflitet tash e një kohë si i dashuri i saj pas ndarjes nga bashkëshorti me të cilin Arbana kishte një lidhje rreth 15-vjeçare.
Çifti po pushojnë në një prej zonave më speciale, ‘Secret Garden’. Origjina e kompleksit daton në dinastinë Saadian, më shumë se katërqind vjet më parë.
Rindërtuar në mes të shekullit XIX me urdhër të një kaidi me ndikim të maleve Atlas, Le Jardin Secret ka qenë shtëpia e disa figurave politike më të rëndësishme të Marokut dhe Marrakeshit.
Me këtë potez, dyshja vetëm se vulosën raportin dhe më nuk do kemi nevojë të kuptojmë diçka më shumë përmes detajeve të koduara dhe fotove në rrjete sociale. E rëndësishme ta shijojnë arratisjen romantike me njëri-tjetrin pa stafin e të papenguar nga syri i publikut. /Prive.al
