Kitaristi afatgjatë i ABBA, Lasse Wellander, ka vdekur pas një beteje të shkurtër me kancerin, njoftoi familja e tij.
Grupi suedez i pop-it e përshkroi talentin e Wellander-it si “të pamasë” dhe i bëri homazhe një “miku të dashur, një djali argëtues dhe një kitaristi të shkëlqyer”.
“Me trishtim të papërshkrueshëm duhet të njoftojmë se Lasse-i ynë i dashur ra në gjumë. Lasse kohët e fundit u sëmur nga një kancer i përhapur dhe herët të Premten e Mirë ai ndërroi jetë, i rrethuar nga të dashurit e tij”, thuhej në një deklaratë të postuar në faqen e kitaristit në Facebook të dielën.
“Ti ishe një muzikant i mrekullueshëm dhe i përulur, por mbi të gjitha ishe një bashkëshort, baba, vëlla, xhaxha dhe gjysh i mrekullueshëm”, thuhet në deklaratë.
“I sjellshëm, i sigurt, i kujdesshëm dhe i dashur … dhe shumë më tepër, që nuk mund të përshkruhen me fjalë. Një qendër në jetën tonë dhe është e pabesueshme që tani duhet të jetojmë pa ty.”
“Lasse ishte një mik i dashur, një djalë argëtues dhe një kitarist i shkëlqyer,” tha ABBA në një deklaratë për CNN të hënën. /Prive.al
