Brie Larson po i bashkohet kastit të “Fast and Furious 10”, njoftoi ylli dhe producenti Vin Diesel përmes një postimi në Instagram.
“Po, po, po… ju e shihni këtë engjëll mbi supin tim duke më goditur, ju i thoni vetes tuaj ‘ky është kapiteni Marvel’. Është e qartë se ka dashuri dhe të qeshura në këtë imazh”, ka shkruar aktori në një selfie me Larson.
“Ajo që nuk e shihni megjithatë, është personazhi me të cilin do të prezantoheni në Fast10,” shtoi ai.
Diesel, vazhdoi duke thënë se fansat “nuk e kanë idenë se sa e përjetshme dhe e mahnitshme” do të jetë Larson në film.
“Përtej bukurisë së saj, intelektit të saj… Oscar-it të saj, haha është ky shpirt i thellë që do të shtojë diçka që mund të mos e kishit pritur por e keni dëshiruar”, vazhdoi ai. “Mirë se erdhët në FAMILY Brie.
View this post on Instagram
Njoftimi për kastin e Larson vjen një muaj pasi u zbulua se Jason Momoa do të luajë rolin e zuzarit në pjesën e 10-të të “Fast and the Furious”.
“Është argëtuese, mund të luaj djalin e keq, gjë që nuk kam arritur ta bëj për një kohë,” tha aktori i “Aquaman”, në mars. “Tani, unë do të bëhem djali i keq. Një djalë i keq shumë i ndezur. Pak dhimbje!”
