Shqipëria ka ndër viset më të bukura detare në rajon, e këtë e dëshmon numri i madh i vizitorëve, e sidomos të huajve. Bregdeti shqiptar sikur çdo vit tjetër, edhe sivjet po mirëpret turistë nga e gjithë bota.
Në këto ditë të korrikut, aktorja e njohur turke zgjodhi pikërisht jugun e Shqipërisë që të relaksohet dhe të krijojë kujtime të bukura.
Bëhet fjalë për aktoren e mirënjohur dhe të dashur turke, Farah Zeynep Abdullah, e njohur te shqiptarët me rolin e Surës, nga seriali Kurti dhe Sura apo në origjinal Kurt Seyit ve Şura.
Për ndjekësit e saj të shumtë në Instagram, aktorja postuar në Instastory një foto, përmes së cilës ka bërë të ditur se po pushon në jug të Shqipërisë.
Aktorja ka luajtur në shumë seriale, ku është shpërblyer edhe me çmime që i takojnë këtij profili . Për publikun apo themi më mirë për familjet shqiptare, Farah është bërë e njohur nga seriali “Kurti dhe Sura” në rolin e Surës, ku ka luajtur përkrah aktorit të njohur dhe shumë të pëlqyer, Kıvanç Tatlıtuğ i cili vjen ë rolin e Kurtit. /Prive.al
