Palestra “My Fitness” që ndodhet në Fushë Kosovë, sapo e ka përditësuar listën e shërbimeve që ofron, veças hapësirës palestrore.
Kjo palestër duke u munduar që t’i japë edhe më shumë nuanca shërbimit ndaj klientëve, tani ka nisur edhe me shërbimin e Sport Masazhe apo “classic deep”, shërbim ky që jepet nga personeli profesional që ka edhe kualifikime në këtë lëmi.
Përndryshe, nëse po e pyesnit veten se çfarë është Sport Masazhi, ja një shpjegim i thjeshtë, konciz.
Sport Masazhi është manipulimi i shtresave sipërfaqësore dhe të thella të muskujve dhe të indeve lidhore, për të rritur funksionin, relaksimin dhe mirëqenien e trupit tuaj. Po ashtu, përmes këtij masazhi arrihet lirimi i tensionit muskular dhe reduktimi i dhimbjeve dhe ngurtësisë së nyjave.
E nëse jeni nga ata tipa që janë të rregullt në palestër dhe shëndetin fizik e keni të rëndësishëm, Sport Masazh konsiderohet si pjesë e stërvitjes së çdo atleti.
Përmes këtij trajtimi, në mënyrë të veçantë trajtohen këmbët. Kjo ka një shpjegim të thjeshtë. Sepse gjymtyrët e poshtme – pra këmbët – janë në punë gjatë gjithë ditës dhe nëse nuk arrijmë t’i ekuilibrojmë mirë forcat, rrezikohet akumulimi i tensionit në këta muskuj.
Nëse vetëm iu mbush mendja të vizitoni palestrën My Fitness, hidhjani një sy faqes së tyre zyrtare në Instagram dhe pse jo i bëni edhe një ‘follow’.
