Aktori i mirenjohur nga roli i “Kemalit” në serialin “Dashuri e verbër”, Burak Ozçivit është padyshim një nga meshkujt më të pëlqyer nga vajzat të cilat lënë kokën pas tij.
33-vjeçari i martuar po kalon një periudhë shumë të keqe së fundmi. Aktori është prekur nga “burnout syndrome”.
“Burnout” është një gjendje e lodhjes emocionale, mendore dhe fizike të shkaktuar nga stresi i tepruar dhe i zgjatur. Kjo ndodh kur ndiheni të tronditur dhe të paaftë për të përmbushur kërkesat e vazhdueshme. Stresi vazhdon, ju filloni të humbni interesin ose motivimin dhe kjo po i ndodh Burakut.
Mediat turke shkruajnë se aktori po viziton një psikolog dhe bashkëshortja e tij, Fahriye Evcen po i qëndron pranë në këto momente të vështira. Gjithashtu Burak ka refuzuar disa projekte dhe nuk dihet nëse do e shohim sërish në ekran.
“Kam arritur çdo gjë që kam dashur në jetë. Kam bërë gjithçka doja, kam udhëtuar, kam njohur vende të reja por asgjë nuk më kënaq më”, i ka thënë aktori psikologut të tij.
