Nëse ju ka marrë malli për një bebe të porsalindur, duhet me patjetër t’ia hidhni një sy fotografisë që aktori i famshëm amerikan Dwayne Johnson ka publikuar në Instagram.
Është një imazh që do thyejë zemra vajzash. Aktori super seksi, i shquar për një imazh të burrit të fortë, tek i përkulet vajzës së tij që sapo u lind.
Aktori është bërë baba për herë të tretë në jetën e tij, me partneren Lauren Hashian.
“Lëkurë për lëkurë. I bekuar dhe krenar që sollëm në jetë një tjetër vajzë të fortë. Fuqia jonë. Tiana Gia Johnson, erdhi në këtë botë si forcë e natyrës ndërsa mamaja e saj, e lindi si një “rok star” i vërtetë. Unë u rrita dhe u rrethova nga gra të forta, i kam dashur shumë gjataë tërë jetës sime, por pasi mora pjesë në lindjen e bebes Tia, e kam të vështirë ta shpreh nivelin e ri të dashurisë, respektit dhe admirimin që kam për gruan time dhe të gjitha nënat e gratë e botës”, ka shkruar aktori, përplot emocione për anëtaren e re të familjes së tij. /Prive.al
