Mbrëmjen që lamë pas u përmbyll edicioni i 19-të i festivalit ‘Kënga Magjike’.
Anxhela Peristeri u shpall fituesja me projektin ‘E çmendur’ teksa krahas çmimit kryesor, shumë prej artistëve morën nga një çmin në kategori përkatëse.
Por, kur jemi tek numri i çmimeve të fituara, ‘rekordmeni’ nuk duhet kërkuar në mesin e këngëtarëve.
Fituesi i vërtetë i këtij edicioni të ‘Kënga Magjike’ rezulton të jetë kompozitori nga ‘Threedots’, Kledi Bahiti!
Plot pesë nga gjashtë projektet muzikore që mbajnë vulën e tij kanë arritur të fitojnë çmime.
Krahas çmimit kryesor, katër këngë tjera të punuara nga Kledi e që triumfuan në kategori të ndryshme janë: ‘Zhurmë’ nga Fifi si ‘Best hit’, ‘Humbur’ nga Samanta Karavello si ‘Best Ballad’, ‘Ti mos më shaj’ nga Valon Shehu si artisti më i pëlqyer në internet dhe Blerina Braka me ‘Mirëupafshim dashuri’ që mori çmimin ‘Çesk Zadeja’.
Ndryshe, Kledi Bahiti me punën e tij ka determinuar fituesit nëpër festivale shqiptare tash e një kohë. Këngët e tij, ‘S’je më’ dhe ‘Loti i fundit’ nga Elhaida Dani respektivisht Samanta Karavella triumfuan në Top Fest 9 dhe 10. /Prive.al/
