Filmi do të shfaqet, në njërin prej festivaleve më të mëdha të filmit në Evropën Veriore, njëherit edhe festival i kategorisë “A”, i cili do të mbahet përgjatë datave 11-27 nëntor 2022.
Filmi përcjell Remon, i cili pas disa vitesh në mërgim kthehet nga Gjeneva, në vendlindjen e tij në Kosovë.
Dashuria e tij e parë, Una, e thërret për ta informuar për vdekjen e afërt të patriarkut të familjes dhe zhvarrosjen në një varri masiv. Duke u kthyer në fshatin e tij pas një mungese dhjetëvjeçare, Remo do të duhet të përballet me të kaluarën dhe të tashmen e tij.
Producent të filmit, janë Valon Bajgora, Yll Uka, Britta Rindelaub dhe Thomas Reichlin. Në rolet kryesore luajnë: Florist Bajgora, Luana Bajrami, Armend Smajli, Luan Jaha, Arta Mucaj, Irena Aliu, Kumrije Hoxha, Meli Qena dhe Çun Lajçi.
“Toka brenda meje” është realizuar me mbështetjen e Qendrës Kinematografike të Kosovës, Federal Office for Culture, Cineforom, Loterie romande, Media Desk Suisse, Suissimage dhe FOCAL, në bashkprodhim me RTS Radio Television Suisse.
