Një ditë më parë, Emina Çunmulaj u bë nënë për herë të tretë.
Ajo solli në jetë një djalë që i lanë emrin Shá Yosef Nazarian. Lajmin e bëri të ditur ajo vetë me anë të një postimi në llogarinë e saj në Instagram.
Ndonëse ajo dhe djali gëzojnë shëndet të plotë, ish-modelja theksoi një shqetësim për nënat në periudhën e paslindjes.
“Duhet të flasim më shumë për ngërçet dhe kontraksionet e paslindjes. Si paskam harruar se si janë!! Më duket që po kaloj dhimbjet e lindjes sërish”, shkroi ajo në një postim duke bërë hastag #momlife.
Në fakt, në periudhën pas lindjes, është e zakonshme të përjetoni kontraktime – është mënyra se si mitra zvogëlohet në madhësi. Këto kontraktime ndihen si ngërçe të shkurtra dhe të mprehta në bark – si dhimbje menstruale ose kontraktime të lindjes. Zakonisht ulen në intensitet çdo ditë pas lindjes. /prive.al
