Ed Sheeran festoi 10 vjetorin e albumit të tij debutues, duke mbajtur një koncert falas për fansat e tij.
Muzikanti dhe gruaja e tij u fotografuan teksa po dilnin nga ‘O2 Shepherd’s Bush Empire’ në Londër të enjtën mbrëma, pas përfundimit të koncertit.
Muajin e kaluar, këngëtari paralajmëroj albumin e tij të ardhshëm “=” (që shqiptohet i barabartë), dhe pritet të lansohet më 29 tetor. Ai ka publikuar një listë prej 14 këngësh që do të përfshihen në album.
Krijuesi i hitit “Thinking Out Loud” zbuloi se albumi është “me të vërtetë personal” dhe konfirmoi se ai e sheh atë si albumin e tij të pjekurisë pasi u bë baba dhe u martua që kur lëshoi albumin e tij të fundit.
Ed zbuloi se jeta e tij ka ndryshuar aq shumë vitet e fundit pas martesës dhe lindjes së vajzës së tij të vogël, Lyra Antarktida me Cherry.
Në një deklaratë ai tha: “Albumi i ri është një rekord vërtet personal dhe që do të thotë shumë për mua. Jeta ime ka ndryshuar shumë gjatë viteve të fundit u martova, u bëra baba, pësova humbje dhe reflektova mbi këto tema gjatë rrjedhës së albumit”.
“Unë e shoh atë si rekordin tim të ardhjes në moshë dhe mezi pres të ndaj këtë kapitull tjetër me ju”.
Fituesi katër herë i çmimeve “Grammy” mori një pushim nga puna dhe mediat sociale në fund të vitit 2019 pas dy vitesh turne në mbështetje të albumit të tij më të shitur “÷ apo Divide”.
Albumi i ri është shkruar dhe regjistruar në Suffolk, Londër, Suedi dhe Los Angeles. /Prive.al
