Vince Neil dha një nga shfaqjet e tij të para post-pandemike këtë fundjavë dhe nuk shkoi aq mirë sa kishte shpresuar.
Këngëtari i “Mötley Crüe” dhe grupi i tij solo kryesuan Festivalin e Luginës së Boone River në Iowa, ku Neil interpretoi një këngë klasike të Mötley Crüe.
Por “Dr. Feelgood” nuk tingëllonte aq mirë sa shpresonin disa të pranishëm, videot dhe ankesat rreth shfaqjes së shpejti dolën në rrjete sociale.
Në një pjesë dukej se Neil e harroi tekstin dhe zëri i tij nuk ishte në formën më të mirë.
Faqja muzikore Loudwire ndau video dhe raportoi se në mes të këngës së 14-të të shfaqjes së bendit, “Girls, Girls, Girls”, Neil thjesht hoqi dorë.
Video tregon se këngëtari i kërkon falje turmës duke thënë “ka kohë që nuk ka kënduar”, dhe se zëri i tij ishte “zhdukur”.
“Ne ju duam dhe shpresojmë se do t’ju shohim herën tjetër”, thotë Neil para se të shihet duke u larguar nga skena.
