Pas mbarimit të ‘Festivali i Këngës’, një prej videove më virale që pasoi ishte ironizimi që i bëri Xhemi Shehu bashkë me kolegun e saj, Salsano Rrapin, Alketa Vejsiut.
Në atë video, prezantuesja e ‘Portokalli’ çohej nga vendi duke thënë se ‘nuk rri njeriu me një veshje të njejtë për 5 minuta’ duke thumbuar kështu ndërrimin e shpeshtë të fustaneve nga Alketa gjatë prezantimit.
E duket se Vejsiu nuk e ka harruar këtë ironi therrëse duke zgjedhur që reston ta kthejë dyfish për ditëlindje të Xhemit, në vend të një urimi.
Në faqen e portalit të saj i cili duket të jetë shndërruar në një platformë të ‘qërimit të hesapeve personale’, për ditëlindjen e 37-të të prezantueses është nxjerrë një foto e saj nga arkiva ku fokusi qëndron në tre gjëra: stilin e flokëve të dikurshëm, pseudonimin ‘Xhemile’ dhe aftësitë e prezantueses në aktrim.
‘Në prezantim ka rivale të forta kështu që i sugjerojmë të merret seriozisht me karrierën e aktores së humorit. Ka të dhëna të mira aty! Me ndihmën e Salsanos, rolin e ‘Gagaçes’ do ta qante. Postimi është plotësisht dashamirës. Xhemin xhan! Juve si ju duket më mirë? Dikur apo sot?’ – thuhet mes tjerash në postimin e bërë i cili ka shkaktuar një varg të komenteve dhe polemikave mes ndjekëve.
Të plotë, shkrimin e portalit të Alketës mund ta lexoni më poshtë. /Prive.al
