Komentohen, kritikohet, pëlqehen shumë nga opinioni, por kur fytyrat publike të skenës bashkohen edhe në rrafshin privat, interesi për ta shumëfishohet.
E duket se ky presion i madh shpeshherë ndikon që lidhjet e tyre të mos i rezistojnë kohës duke i detyruar ata të lënë prapa krahëve historitë e bukura që në fillim ngjasojnë në histori përrallash nga të cilat u ndryshon vetëm fundi.
Cilët janë disa nga emrat e njohur që dikur ishin bashkë në lidhje kurse tani rrugëtimet jetësore i bëjnë në kahe të ndryshme ?!
Jeta e shumë fansave ‘u kompletua’ kur Dafina Zeqiri dhe Ledri Vula u shfaqën për herë të parë bashkë në programin festiv të Klan Kosova. Ishin perceptuar gjithmonë si çift ideal. Epilogu, sulmi i ish të dashurit të Dafinës, Krenarit që pastaj u tha se ishte edhe shkaku që Ledri la Babastars, sepse miqtë e jetës nuk iu gjendën në momente të vështira. Megjithatë, Ledri dhe Dafina tani si miq kanë një raport të shkëlqyer.
‘Ngjyra e kuqe shumë i ngjanë’. Pa dyshim secilit prej nesh na kujtohet ky refren i këngës së Adrian Gaxhës që i dedikohej të dashurës së dikurshme, Luana Vjollca. Dyshja ishin ndër çiftet më të përfolur vite më parë e madje u tha se ishin fejuar. Por, edhe pse të ndarë, ata vazhdojnë të komunikojnë si miq dhe gjatë verës së kaluar u panë bashkë në Ulqin.
Soni Malaj dhe Flori Mumajesi dikur përpos kolegë në skenë ishin edhe edhe partnerë në jetën private. Sot, krijuesit e hitit ‘Fluturimi 3470’ vazhdojnë të kenë një jetë të sukesshme në sferën artistike.Basketbollisti Dardan Berisha dhe këngëtarja Adelina Tahiri vitin e kaluar zunë vend në media si çifti i ri në skenën shqiptare. Megjithëse nuk u kuptua sakte se për sa kohë ishin bashkë, thashethemet kaluan si fluskë sapuni.Dj Blunt dhe disejnatorja e njohur Yllka Brada ishin bashkë për disa vite. Në një intervistë në vitin 2013, Dj Blunt citohet të ketë thënë se vendimi për ndarje pasoi shumë përpjekje për të shpëtuar lidhjen.
