Çifti i njohur i shoubizit shqiptar, Sara Hoxha dhe moderatori Ledion Liço siç është lajmëruar shumë shpejt do t’i japin fund beqarisë në një ceremoni e cila do të zhvillohet në Como të Italisë.
Ata nuk kanë zbuluar asnjë detaj nga ceremonia madhështore, por së fundmi trashëgimtarja e ‘Top Medias’ është nisur për festën e beqarisë në Mikonos të Greqisë së bashku me mikeshat dhe motrën e saj.
Por siç duket dasma e shumëpritur është më afër nga sa e mendonim. Sipas burimeve pranë ‘Anabel’ ceremonia e martesës së Ledionit dhe Sarës do të mbahet në datën 11 gusht. Sipas burimeve ata do të bëjnë një pritje intime një ditë para dasmës.
Ndërkohë mësohet se festa do të jetë e paharrueshme pasi në datën 12 gusht çifti ka organizuar dhe një tjetër festë madhështore.
