Mbrëmë në Mitrovicë, reperi Unikkatil u rikthye pas nëntë vitesh me koncert në Kosovë.
Ai performoi përpara mijëra fansave duke elektrizuar turmën e madhe që ishin mbledhur në këtë eveniment i cili nuk ndodh shpesh.
E krahas performancave, Unikkatil u sigurua të dërgojë një tjetër mesazh.
Në mes të një periudhe kur përflitej e aludohej që ky është koncerti me të cilin reperi do ta përmbyllë karrierën e tij në muzikë, Viktori lëshoi ‘bombën’ që askush nuk e priste.
Në koncert, Unikkatil ka deklaruar që i ka rreth 80 këngë të gatshme por pa sqaruar se nëse do t’i publikojë një nga një apo do t’i përfshijë në ndonjë album të ri.
Sidoqoftë, fansave të TBA i mjaftoi kjo deklaratë për të vulosur se ai që konsiderohet nga shumëkush si mbreti i hip-hopit shqiptar, do të jetë këtëj pari aktiv të paktën edhe për një kohë. /Prive.al
