Sot ka ndërruar jetë dirigjenti i njohur me origjinë nga Shkodra, Kujtim Alija.
Alija për shumë vite ishte organizator i festivalit mbarëkombëtar të fëmijëve si dhe drejtues i qendre kulturore të fëmijëve në Shkodër.
Dirigjenti i njohur Kujtim Alija mban titullin si “Mjeshtër i madh”.
Alija vuante prej kohësh nga një sëmundje e rëndë.
Lajmin e ka bërë të ditur Teatri i Shkodreësë “Migjeni” të cilët thanë se vdekja e dirigjentit është humbje e madhe.
“Sot u nda nga ne Mjeshtri i Madh Kujtim Alija. Ky largim fizik i mjeshtrit është një humbje e madhe për familjen, kulturën, artin, Shkodrën e Shqipërinë”, thuhet në njoftimin e Teatrit “Migjeni”.
Ceremonia mortore nis në orën 08.45 në Qendrën Kulturore të Fëmijëve me përcjelljen e kortezhit, deri tek monumenti i Luigj Gurakuqit, nga Orkestra Frymore e Qytetit.
Nga ora 09:00 deri në orën 11:00, në teatrin “Migjeni” zhvillohen homazhet .
