Një krahasim në mes dy fotografive është gjithçka që flet për një fenomen e situatë të caktuar.
Para e pas, janë imazhet më të fuqishme që dokumentojnë një proces jetësor, natyror apo çfarëdoqoftë.
Dhe deputeti nga radhët e Partisë Socialdemokrate, Fisnik Ismajli, është dëshmia më e mirë se si disiplina, përkushtimi dhe vullneti, bëjnë mrekulli.
Nëse e mbani në mend në fillimet e karrierës së tij politike, ai ishte shtatlartë dhe me mbipeshë, por në një moment të jetës, vendosi ta transformonte fizikun e tij.
Nga imazhet para e pas që deputeti ka publikuar në Instagramin e tij, vërehet shndërrimi i jashtëzakonshëm që ka bërë Ismajli, duke hequr 60-të kilogramë për disa vjet.
Ajo që duhet të theksohet, është se deputeti dhe krijuesi i obeliskut Newborn në Prishtinë, ka ndjekur një regjim të shëndetshëm ushqimor, të shoqëruar me aktivitet fizik në palestër me trajnerët e tij personalë. /Prive.al
