Aktorja kosovare Teuta Krasniqi, dje u bë 35 vjeçare. E rrethuar me familjen e saj të mrekullueshme, Adonisi, Tara e Kaia, ajo ka kaluar momente të paharrueshme në mesin e tyre me rastin e përvjetorit të saj të lindjes.
Bashkë me disa fotografi nga festa e saj private në shtëpi, Teuta është paraqitur shumë e lumtur të nesërmen, duke i dedikuar bashkëshortit të saj Adonisit fjalë të ndjera, e po ashtu edhe për të gjithë ata që e uruan në këtë ditë të rëndësishme për të.
“Jam pa fund mirënjohëse çdo sekond të jetës për gjithçka që kam. Jam mirënjohëse për shëndet, mirënjohëse pa kufi për dy dritat e syve të mi Tara dhe Kaia, Unë frymoj mirënjohje gjithmonë për ju. Mirënjohëse pa fund për shpirtin tim binjak, i cili ma mbush krejt shpirtin e zemrën plot me dashuri dhe më bën të dashurohem çdo ditë e më shumë. Dashuria jote ma përtërinë e ma gjatë jetën shpirt”, ka shkruar Teuta. /Prive.al
