Nuk është sekret që komuniteti i bukurisë me të vërtetë e lavdëron vajin e kokosit. Është përdorur që një gjysmë dekade dhe tani ka zero shanse që ky vaj të dalë nga përdorimi.
Kjo sepse, vaji i kokosit ka një ton përdorimesh në trajtimin e lëkurës dhe tretmanet e bukurisë.
Ne kemi listuar disa nga përdorimet dhe benefitet e vajit të kokosit:
Vaji i kokosit si krem fytyre
Përdorimi i tij në fytyrë nuk është e rekomanduar për të gjithë sepse mund të jetë komedogjenik ( dmth mbyll poret), por nëse lëkura juaj toleron vajra të rënda atëherë vaji i kokosit është një zgjedhje e shkëlqyer për hidratimin e lëkurës tuaj.
Vaji i kokosit si vaj masazhues
Pse të shpenzoni kot në ndonjë vaj të shtrenjtë, kur mund të bleni vajin e kokosit në dyqanin e lagjes tuaj. Mund ta përdorni drejtë nga kutia ose mund edhe ti shtoni vajra esencial të zgjedhjes tuaj. Mund ta shkrini edhe disa sekonda në mikrovalë, por sigurohuni që të mos jetë shumë i nxehtë para se ta përdorni.
Vaji i kokosit si krem trupi
Mund ta përdorni edhe si krem trupi, nga fytyra e deri tek majat e gishtërinjve të këmbës. Duket tejet bukur nëse e aplikoni në këmbë dhe duar gjatë verës, sepse i jep trupit shkëlqim. Ne ju rekomandojmë ta përdorni pas dushit e vecanërisht nëse jeni rruar.
Vaji i kokosit për kujdes të lëkurës pas tretmaneve
Ky vaj është i shkëlqyeshëm të përdoret pas ndonjë procedure të lëkurës sepse ndihmon në shërim. Procedura si tretmane të lëkurës me kemikale ose laser e lënë lëkurën shumë të ndjeshme, por vaji i kokosit ndihmon në qetësim dhe hidratim. Po ashtu mbron lëkurën nga irritimet dhe pasi që është antimikrobial ndihmon në mbrojtjen nga infeksionet.
