Një tërmet i fuqishëm ka goditur Shqipërinë gjatë natës duke shkaktuar edhe viktima në njerëz.
Deri tani raportohet për shtatë persona të vdekur dhe dëme të rënda material.
Tërmeti kishte epiqendër Durrësin dhe ishte 6.4 shkallë të Rihterit.
Dridhjet janë dëgjuar edhe në Kosovë por duke mos shkaktuar dëme e as viktima.
Megjithatë, të famshmit shqiptarë kanë bërë lutje për Shqipërinë e cila po kalon në situatë të dhimbshme pas dridhjeve.
Stresi, Genc Prelvukaj, Ledri Vula, Mimoza Shkodra, Bes Kallaku, Arian Agushi dhe shumë të tjerë kanë reaguar përmes rrjeteve sociale, duke shprehur dhimbje dhe ngushëllime për të gjithë vëllezërit dhe motrat në Shqipëri.
PRIVE.AL po ashtu bashkëndjen me Shqipërinë në këto momente të vështira dhe ngushëllon familjarët që humbën më të dashurit e tyre./Prive.al
