Lideri i Babastars, Getoar Selimi, me natyrën e tij lë përshtypjen se thjesht nuk e bën ‘hesap’ askë tjetër pos vetes.
Shpesh, këtë e ka shprehur edhe në postimet e tij ku vazhdimisht e etiketon veten si MMV apo ‘Mbreti i mbretërve’.
Megjithatë, si çdo njeri normal, edhe reperi të paktën në fillimet e tij, ka pasur një idoll si i cili ka pasur dëshirë të bëhet, e ai ishte Puff Daddy.
Ky është vetëm një nga detajet e shumta që do shpalosen të dielën me fillim nga ora 20:45 në Klan Kosova kur edhe transmetohet dokumentari i përgatitur nga Artan Telaku për jetën e reperit që ka lënë gjurmë në hip-hopin shqiptar.
