Meqë shikuesit po tentojnë me ngulm të marrin çfarëdo informacioni rreth datës se kur do të nisë ky spektakël, sidomos rreth banorëve, produksioni kohë pas kohë ka zbuluar “sekuenca” të cilat kanë ngritur kureshtjen në maksimum.
Bashkëmoderatori i BBVK, Alaudin Hamiti, përmes një postimi në Instagram, ka shprehur mirëkuptimin për të gjithë ata që mezi po presin fillimin e spektaklit, por ka sqaruar se produksioni deri tani nuk ka dhënë një datë të caktuar, përveç që është përmendur stina e vjeshtës.
Megjithatë, Hamiti bën me dije se gjithçka është drejt fundit dhe se BBVK do të fillojë së shpejti.
“Po ju them në besë, se shtëpia ka dalë për mrekulli, skenografia gjithashtu. Prandaj, vetëm energji pozitive dua nga ju” ka shkruar Alaudin Hamiti.
