Njëra ndër këngëtaret më të famshme të muzikës botërore, ka humbur një njeri shumë të shtrenjtë dhe mërzia e ka kapluar.
Rihanna, ka njoftuar se kushëriri i saj është qëlluar për vdekje me armë në Barbados, vetëm pak orë pasi ata kishin kaluar Krishtlindjet bashkë.
Këngëtarja 29 vjeçare ka postuar një seri të fotografive të sajat me Tavon Kaiseen Alleyne bashkë dhe ka bërë thirrje që të ndalohen krimet me armë, përderisa vajtonte për vdekjen e tij.
Alleyne që e la këtë botë në moshën 21 vjeçare, po ecte në një rrugë në zonën e quajtur Saint Michael, kur u qëllua disa herë me armë zjarri nga një person i panjohur.
“U prefsh në paqe kushëri… nuk më besohet që vetëm mbrëmë të pata në krahë”, ka shkruar Rihanna me zemër të thyer në Instagram, ku ndiqet nga 59 milionë përdorues të këtij rrjeti social.
“Kurrë nuk kam besuar që kjo do të ishte hera e fundit që do ndieja ngrohtësinë e trupit tënd. Do të të dua gjithmonë”, ka përfunduar Rihanna. /Prive.al
