Princ Leka së bashku me Princeshën Elia morën pjesë në martesën historike dhe madhështore të Princit Imperial George Romanoc dhe Princeshës Victoria.
Ishte vetë Princ Leka, i cili përmes një postimi në rrjetet sociale ka njoftuar se ai së bashku me Princeshën kanë qenë dëshmitarë të dasmës së çiftit mbretëror.
“Te dashur miq,
Fundjaven e kaluar kam pasur kenaqesi te marr pjese në martesën historike te Princit Imperial George Romanov dhe Princeshës Victoria Romanovna, si deshmitar i dasmes se tyre.
Për ne ishte lumturi shumë e madhe të përjetonim kurorëzimin e dashurisë së dy miqve tanë, dy të rinjve të mrekullueshëm që meritojnë gjithë bekimet dhe lumturinë e botës!
St. Pitersburgu u gjallërua nga kjo dasëm fantastike që mikpriti të ftuar nga e gjithë bota, duke shpërfaqur madhështinë e një vendi me histori dhe tradita europiane. 100 vite pas revolucionit, Rusia na dhuroi një dasëm mbretërore si në përralla! Fjalimi prekës i Dukeshës së madhe Maria do mbetet nga më të ndjerët: Paraardhësit tanë sonte buzëqeshin atje lart në qiell… @grand_duke_george_of_russia @rebecca_bettarini @russianimperialhouse photos by: @dmosully”, shkruan Princi krahas fotove të ceremonisë.
