Pentagon (ndërtesa e selisë së Departamentit të Mbrojtjes së Shteteve të Bashkuara) ka lansuar zyrtarisht tre video të shkurtra që tregojnë “fenomene ajrore të paidentifikuara” që më parë ishin lansuar nga një kompani private.
Videot tregojnë se çfarë duket se janë objekte të panjohura fluturuese që lëvizin me shpejtësi ndërsa regjistrohen nga kamerat infra të kuqe. Dy nga videot përmbajnë anëtarët e shërbimit që reagojnë me frikë se sa shpejt lëvizin objektet. Një zë spekulon se mund të jetë një dron.
Marina më parë pranoi vërtetësinë e videove në shtator të vitit të kaluar. Ata po i publikojnë zyrtarisht tani, “në mënyrë që të sqarojnë çdo ide të gabuar nga publiku nëse pamjet që kanë qarkulluar ishin të vërteta, apo nëse ka apo jo më shumë në video”, sipas zëdhënësit të Pentagonit Sue Gough.
“Pas një rishikimi të plotë, departamenti ka përcaktuar që lëshimi i autorizuar i këtyre videove të paklasifikuara nuk zbulon ndonjë aftësi apo sisteme të ndjeshme”, tha Gough në një deklaratë, “dhe nuk imponon asnjë hetim të mëvonshëm të ndërhyrjeve ushtarake të hapësirës ajrore për fenomene ajrore të paidentifikuara”.
Marina tani ka udhëzime zyrtare për mënyrën sesi pilotët e saj mund të raportojnë kur besojnë se kanë parë UFO të mundshëm.
Videot e Marinës u publikuan për herë të parë midis Dhjetorit 2017 dhe Marsit 2018 nga To The Stars Academy of Arts & Sciences, një kompani e bashkëthemeluar nga ish-muzikanti i Blink-182, Tom DeLonge që thotë se studion informacione për fenomene ajrore të panjohura.
Në vitin 2017, një nga pilotët që pa një nga objektet e paidentifikuar në vitin 2004 i tha CNN se ajo lëvizi në mënyra që ai nuk mund ta shpjegonte.
“Ndërsa iu afrova asaj … ajo u përshpejtua me shpejtësi në jug, dhe u zhduk në më pak se dy sekonda,” tha piloti në pension i Marinës amerikane, David Fravor. “Kjo ishte jashtëzakonisht e papritur, si një top ping-pongu, duke kërcyer nga një mur. Do të godiste dhe do të shkonte në rrugën tjetër”.
