Chris Rock thuhet se ka refuzuar një ofertë për të organizuar Oscars të vitit të ardhshëm. Gjatë një shfaqje standup të së dielës mbrëma në Phoenix, Arizona, tha komediani.
Organizatorët e çmimeve i kishin kërkuar që të kthehej si mikpritës për herë të tretë (ai më parë kishte ardhur në 2005 dhe 2016).
Në fillim të këtij viti Rock, duke paraqitur çmimin e dokumentarit, u godit në skenë nga Will Smith, menjëherë pasi mori çmimin e tij për aktorin më të mirë, pasi Rock bëri një shaka për gruan e Smith, Jada Pinkett Smith. Rock refuzoi ofertën e Akademisë.
Madje tha se t’i kërkosh atij të rikthehej në “Oscars” është njësoj si t’i thoje Nicole Brown Simpson, ‘të kthehej në restorant’. E ka fjalën për gruan e ndjerë e OJ Simpson, që kishte harruar syzet e diellit në një restorant dhe kur kamarieri shkoi për t’ia dhënë, të dy u vranë jashtë shtëpisë së saj. Asnjëherë i lehtë me batutat…
Gjithsesi, i nxitur nga një anëtar i audiencës nën thirrjen “Flit më shumë për këtë”, Rock iu referua edhe performancës së Smith si boksieri Muhammad Ali në filmin biografik “Ali” të vitit 2001, për të cilin Smith fitoi nominimin e tij të parë për Oscar, duke thënë
“Ai është më i madh se unë. Shteti i Nevadës nuk do të sanksiononte një luftë mes meje dhe Will Smith.”
Akademia e Arteve dhe Shkencave të Filmit nuk pranoi të komentonte komentet e fundit të Rock, ndërkohë kujtojmë se bordi i Akademisë e pezulloi Will Smith nga Oscars ose ndonjë event të Akademisë për 10 vjet. /Prive.al
