Si e ftuar në emisionin ‘Rudina’ ditën e sotme, këngëtarja Rozana Radi pati një moment tejet emocional.
Këngëtarja u befasua me një insert nga motra e saj, Andeta e cila përmes një videoje të dhënë për gazetarët e programit, shfaqi një anë që nuk e tregon shpesh.
Me doza emocionale, ajo ka kujtuar çdo moment të rëndësishëm, nga fëmijëria e deri tek humbja e papritur e prindërve brenda një periudhe të shkurtër.
‘Shtëpia jonë ishte gjithmonë e mbushur dhe papritmas ti mbete vetëm. Megjithatë, jo vetëm pasi unë do jem gjithmonë përkrah teje’ – deklaroi Andeta në videon e cila nuk mundi të përballohet nga Rozana pa shpërthyer në lot.
Këngëtarja e ‘Më thuaj ti’ deklaroi se marrëdhënia me motrën e saj, Andetën, është aq e fortë saqë ato kanë mes tjerash edhe një xhirollogari të njejtë bankare. /Prive.al/
