Është njëri ndër reperët më problematikë shqiptarë dhe gjithnjë cak i sulmeve qoftë me këngë e qoftë atyre fizike.
Dhe Noizy ka disa histori me grupe të tjera reperësh, të cilët i ka rivalë të përbetuar.
Ndonëse nuk ishte hera e parë që Noizy u përfshi në një konflikt, ajo që ka ndodhur mbrëmë e ka gjetur reperin në një situatë më të vështirë se zakonisht.
Siç raportoi “Jeta Osht Qef”, reperi ka mbajtur një koncert në Queens në New York, e çdo gjë ka dalë jashtë parashikimeve. Grupi CFE ka sulmuar Noizyn, ndërsa është përhapur panik tek të gjithë të pranishmit.
Informacionin për këtë portal shqiptar, e ka dhënë një fanse e reperit e cila ka qenë prezente në ngjarje.
Sipas raportimeve të deri tanishme, Noizy ka lajmëruar menjëherë rojat e sigurimit për t’i evituar incidentet dhe për ta qetësuar tensionin në mes grupeve.
Në pamjet që ka siguruar JOQ, Noizy nuk shihet ndërsa situata aty duket disi e paqartë.
CFE është një grup aleat me TBA-në e Unikatilit, që janë rivalë të përbetuar të OTR, label me të cilin udhëheqë Noizy!
