Emri i saj u lakua ditëve të fundit për një lidhje të re dashurie me një tjetër figurë publike shqiptare.
Bëhet fjalë për moderatoren e njohur Jonida Vokshin, e cila u bë protagoniste e titujve rozë për një romancë me DJ Sardin.
Mediat rozë në Shqipëri, shkruajtën se çifti janë në një lidhje tash e disa muaj edhe pse janë kujdesur që t’i shpëtojnë syve të publikut.
Por si qëndron e vërteta lidhur me raportin mes tyre?
DJ Sardi ishte i ftuar mbrëmjen e së dielës në emisionin “Familja”, ku Turjan Hyska e pyeti: “Është e vërtetë që je lidhur me atë?”.
Duke buzëqeshur, Sardi iu përgjigj shkurt “Mbase”, dhe nuk komentoi asgjë me tepër lidhur me marrëdhënien.
Mirëpo nga ana e saj, në një prononcim për Prive, Jonida Vokshi e ka mohuar vërtetësinë e raportimeve.
“Pikë së pari shumë-shumë faleminderit që më pyetët. Pikë së dyti nuk ka asgjë të vërtetë në këtë histori”, ka qenë përgjigja e Vokshit dhënë për Prive, duke deklaruar se romanca me Sardin, në njëfarë forme qenka fiksion i mediave!
