Shumë patenta ndërkombëtare kanë filluar transmetimin në ekrane shqiptare. Kryesimin vazhdojnë ta mbajnë kompeticionet e zbulimit të talenteve.
Pavarësisht formulave ndërkombëtare ajo që vazhdon ta mbaj dashurinë e publikut për gjashtë vite është prodhimi shqiptar i TV Klan, “Gjeniu i vogël”.
Produksioni ka nisur rrugën për edicionin e shtatë për të grumbulluar fëmijët nga të gjitha trojet që superfuqi kanë këndimin.
Ekipi veçse ka nisur udhëtimin në Shqipëri teksa pritet që të vijnë edhe në Kosovë për të marrë me vete më të talentuarit për të perfomuar në skenën magjike.
Nga Kosova pjesë e jurisë ishte Genta Ismajli për dy vite radhazi ndërsa këtë vit nuk ka akoma ndonjë emër që është konfirmuar për panelin gjykues.
Sipas të gjitha gjasave, Genta nuk do të jetë pjesë e produksionit këtë vit pasiqë do të bashkangjitet një tjetër prodhimi televiziv, sipërmarrjes më të re të Alketës dhe Verës “Your Face Sounds Familiar”.
