Këngëtari Mentor Haziri bashkë me muzikantët Nesim Maxhuni, Nderim Ramadani, Jeton Dolaku dhe Visar Kuqi realizoi pak ditë më parë koncertin e tij recital në formën e quartetit në teatrin e qytetit në Ferizaj.
Ai qëllimshëm zgjedhi teatrin si vendin më adekuat për ta realizuar këtë projekt i cili u mbështet nga Drejtoria për kulturë rini dhe sport në Ferizaj.
Këngëtari Haziri performoi disa këngë nga albumi i fundit të përpunuara dhe riaranzhuara të cilat mbushën një orë program, e ndër to ishin hitet si “ Doja të ishe ajo”, “Engjëll”, “Stë falë”, etj.
Këngëtari ferizajas i cili tash e dy viteve ka qenë aktiv vetëm me mbrëmje e jo edhe me projekte muzikore, shumë shpejtë do të sjellë këngën e re ndërsa si akoma single, ai tha se po e pret princeshën e tij me kali të bardhë, meqenëse shumica e kolegëve tani janë martuar.
Për princa me kali të bardhë kemi dëgjuar por për princesha jo. Do jetë interesante për t’u parë princesha e Mentorit! /Prive.al/
