Dhjetë vite krah Ed Manushit më emisionin ‘Procesi Sportiv’ u përmbyllën Shtatorin e kaluar për Marina Vjollcën.
Prezantuesja e rritur në Top Channel la këtë kanal për të kaluar në Klan me synimin e vetëm – rritjen profesionale.
E nga ajo periudhë, Marina e la keq emisionin në të cilin ishte pjesë për gati një dekadë.
Ed Manushi vazhdoi pa prezantuese në krah teksa u eksperimentua me disa goca në panel, përfshirë Rashel Kolanecin por pa sukses.
E duket se Top Channel, në vazhdën e një strukturimi të nevojshëm, është në rrugë të mirë të gjetur pasuesen e denjë të Marinës.
Sipas të gjitha gjasave ajo do jetë po një bjonde bukuroshe e quajtur, Fjoralba Ponari. Me profesion dentiste, Ponari ka eksperimentuar me paraqitje televizive përmes këngës, duke u paraqitur si konkurente në ‘the Voice’ e më pas duke raportuar nga ‘Voice Room’ si prezantuese sezonin e kaluar.
Aventura e re do jetë në ‘Top Arena’, program i përditshëm sportiv i cili vjen special në kuadër të kampionatit europian të futbollit, gjatë gjithë verës.
Kjo është kuptuar nga promoja e postuar ku Fjoralba shfaqet krah Manushit.
Të jetë ky një mujor provë përpara katapultimit definitiv të bukuroshes si prezantuese e rregullt sportive në Top Channel? Mbetet të shihet se a do ja dalë të jetë pasuesja e denjë e Marinës. /Prive.al
