Në kuadër të aktiviteteve kulturore, Komuna e Prishtinës kishte paraparë festën e përvitshme “Prite në Shesh”.
Eventi kryesor është anuluar shkaku i masave kundër përhapjes së COVID-19.
Sidoqoftë në dhjetor të vitit 2021 është nënshkruar kontratë mes Komunës së Prishtinës dhe kompanisë “AMC” për performanca artistike muzikore me kohëzgjatje prej gjashtë muajsh.
Por cilët janë artistët e përzgjedhur nga Komuna e Prishtinës? Lista është me 23 grupe dhe artistë ku njëmbëdhjetë prej tyre janë në listën e më të paguarve.
Me nga 1700 euro, sipas dokumentit të siguruar nga Prive.al për performancë një orë e gjysmë do të paguhen; grupi “Minatori”, Shpat Deda, “Offchestra”, grupi “Sytë”, “Asambli Zana”, “Trampolinë”, “Gillespie”, “Zwada”, “Pinkmetal” e “Asgjë sikur dielli”.
Megjithatë më së shumti do të paguhet këngëtari Dren Abazi sepse do performojë tre herë ku për secilën nga herat do të marrë 1,500 euro.
Vlera totale e kontratës është 29,950 euro dhe mbetet të shihet nëse kushtet pandemike do të mundësojnë organizimet brenda gjashtë mujorit, tashmë kur performancat artistike për festat e fundvitit si pikënisje e lidhjes së kontratës nuk kanë mundur të zhvillohen. /Prive.al
