Njëri nga pionerët e zhanrit muzikor, rokenroll, Little Richard, la botën të shtunën.
I ashtuquajturi arkitekt i këtij zhanri që pushtoi kulturën perëndimore për dekada në vijim, njashtu ka lënë një trashëgimi të pasur këngësh që nuk do të vdesin kurrë.
Përpos hiteve si “Long Tall Sally” dhe këngës së tij identifikuese, “Tutti Frutti”, ai ka sjellë edhe këngë të tjera të pashlyeshme në kujtesën e fansave të kësaj rryme.
“Slippin’ and Slidin’ (Peepin’ and Hidin’), “Rip It Up”, “Keep A-Knockin’” janë këngë të tjera që e bëjnë “të voglin” Richard të pranishëm në listën muzikore të dashamirëve të rokenrollit.
