Leona Lewis është shtatzënë!
Këngëtarja e hitit “Bleeding Love”, e cila në më pak se dy javë mbush 37 vjeç, njoftoi përmes Instagramit të mërkurën se ajo dhe bashkëshorti Dennis Jauch janë në pritje të fëmijës së tyre të parë.
“Mezi pres të të takoj në verë ”, shkroi Lewis në një foto ku zbuloi barkun e saj me një fustan të zi të ngushtë.
View this post on Instagram
Jauch, postoi të njëjtën foto në faqen e tij dhe tha: “Dhurata më e madhe që mund të kisha kërkuar të vinte këtë verë”.
Duke etiketuar gruan e tij prej gati tre vitesh, koreografi dhe drejtori kreativ me origjinë gjermane shtoi: “Ti je një mama e nxehtë”.
Lewis dhe Jauch janë bashkë që nga viti 2010 pas takimit në turneun e saj “The Labyrinth”. Ai ishte një nga kërcimtarët e saj rezervë.
Pas tetë vitesh lidhje, Jauch i kërkoi Lewis të bëhej gruaja e tij dhe ata u martuan në Toskanë, Itali në korrik të vitit 2019.
