Arjan Çani do jetë sërish me programin e tij historik ‘Zonë e lirë’ në sezonin e ri televiziv në Klan.
Ndonëse ndryshimet dhe spostimet e orareve kanë përfshirë emra të tjerë, Çani nuk u prek.
Të premteve nga ora 21:00 ai do jetë në transmetim për shikuesit besnikë që e ndjekin prej më shumë se 13 vitesh.
Por kë do e ketë përballë?
Top Channel duket se ka menduar që konkurencën ta bëj me një program të profilit komplet tjetër.
Ndryshe nga ‘Top Show Magazine’, fati i të cilit nuk dihet në sezonin e ri, nga Tetori, të premteve, Renato Mekolli me spektaklin e tij të gatimit do jetë përballë Çanit teksa nga Janari e tutje, rikthehet ‘The Voice Kids’ me Ledion Liçon.
Kush do të triumfojë në shikueshmëri? Mbetet të shihet! /Prive.al
