Ka pak muaj që u bë axhë dhe kjo e ka gëzuar fort këngëtarin Robert Berisha.
Ai vet ka një vajzë 2 vjeçare me bashkëshorten e tij, këngëtaren Nora Istrefi, por ardhja e bebes së re në familje, është tjetër emocion.
Roberti ka rrëfyer për Prive momentet e para kur e ka kuptuar se është bërë axhë dhe çfarë do të thotë kjo për të.
Ardhja në jetë e Tianit, djalit të këngëtares Tuna Sejdiu dhe Patris Berishës, është tepër domethënëse për Robertin si vëllai i madh i Patrisit.
“Është gëzim, jo që është djalë sepse shtëpia pa vajza nuk bën, mirëpo është gëzim i madh në familjen tonë ngase unë jam ai që e kam rritur Patrisin. Jam 9-të vjet më i madh se ai dhe e kam vëlla për qejfi!”
“E kam përjetuar ndjenjën që e ka përjetuar Patrisi, dhe është ndjenjë e papërshkrueshme”, ka thënë Roberti i cili pak ditë më parë ka festuar edhe ditëlindjen e dytë të vajzës së tij Renee. /Prive.al
