U bë një kohë prej kur kemi dëgjuar së fundmi nga Trim Jetullahu.
Këngëtari shumë i pëlqyer nga vajzat është më i heshtur në rrjete sociale dhe projektet muzikore i ka më të pakta këtë vit.
Por, larg nga syri i publikut, duket të ketë të reja.
Burime për Prive.al kanë bërë të ditur se ai është në një lidhje serioze.
Të njejtat burime kanë zbuluar se Trimit tash ca kohë i ka vjedhur zemrën një shqiptare nga Zvicra e quajtur Lina.
Kjo e fundit ka një profil që ndiqet nga fare pak persona në Instagram por në të, shkronja T nuk mungon, si për të konfirmuar romancën me Jetullahun.
Ndërkaq, nuk dihet se kur do vendosë çifti që lidhjen ta bëjë publike. /Prive.al
