Rreth dy muaj më parë, emisioni Prive pati raportuar mbi dyshimet se këngëtarja Anita Latifi është në lidhje me vëllain e një tjetër kolege të saj, Adelina Tahirit.
Një fotografi e mbërritur në redaksi ku dyshja shfaqeshin shumë të afërt me njëri-tjetrin ngriti pikëpyetjet mbi një relacion që tejkalon miqësinë.
Por, i kontaktuar nga Prive, Edmond Tahiri kishte mohuar lidhjen duke nënvizuar faktin se ata dy janë thjesht vetëm miq.
Historia është rikthyer sërish në vëmendje me postimin e bërë sot nga Anita.
Ajo ka ndarë me ndjekësit e saj të shumtë një tjetër fotografi me Edmondin nën përshkrim të një zemre, njejtë siç edhe ka replikuar ky i fundit, duke ia kthyer poashtu me një zemër.
Nuk dihet realisht se çka po i lidh dyshen mirëpo se ka diçka më shumë se miqësi, kjo nuk do shumë koment. /Prive.al/
