Ka kohë prej kur kemi dëgjuar për të fundën herë lajme nga Edona Vatovci.
Artisja e cila spikati në spektakle të talentëve për të vazhduar më pas me disa këngë në identitetin e saj unik është distancuar nga jeta publike për mbi një vit.
Për këtë, duket të ketë pasur arsye të forta, të cilat për të parën herë ua zbulon ekskluzivisht Prive.al.
Në muajin Maj të 2017-tës, këngëtarja ka përjetuar një episod aspak të lehtë në jetën e saj. Edona ra nga lartësia e banesës së saj, fatmirësisht duke shpëtuar, ndonëse me pasoja fizike.
Pikërisht ky është shkaku që këngëtarja e njohur, në rrjete sociale kohë pas kohe poston fotografi të pajisjeve që mban në këmbë apo fotografive të rentgenit që dëshmojnë pasojat.
Në një vjetorin e episodit, ajo në rrjete sociale kishte bërë dedikim emocional, që në fakt nuk ishte deshifruar nga publiku i gjerë për ngjarjen me të cilën lidhej.
‘Sot festoj vazhdimësinë, vullnetit dhe kurajon, duart e kujdesura dhe katër metaletqë gjithmonë do i kem në shpinë’ – deklaronte këngëtarja e njohur.
Për guximin, vullnetin dhe kurajon, Edona meriton definitivisht respekt nga të gjithë ne! Mezi po e presim të rikthehet me projekte të reja, të cilat i ka paralajmëruar para pak kohësh. /Prive.al
