Regjisorja nga Prishtina, Arzana Kraja, është gjetur e vdekur sot në orët e paradites në Prishtinë.
Lajmin e ka konfirmuar Qendra Kinematografike e Kosovës përmes një reagimi publik.
“Jemi të shokuar nga lajmi për vdekjen e regjisores Arzana Kraja! Angazhimi i saj në fushën e kinematografisë ishte i jashtëzakonshëm! Ngushëllime familjes, miqëve dhe gjith bashkëpunëtorëve!”, thuhet në reagimin e QKK.
Pas këtij lajmi të trishtuar, ka reaguar këngëtarja e njohur shqiptare, Eliza Hoxha, e cila bëri një postim në Facebook, duke shkruar: “Ah bre Arzanë kaq herët? Ma këpute shpirtin”.
Hoxha ngushëlloi familjarët, kolegët dhe miqtë e saj.
Raportet policore pranuan informatën për trupin e pajetë në lagjen Kalabria rreth orës 9 të mëngjesit.
