Tragjikisht, gjatë së martës ndërroi jetë Art Kurti, aktori i serialit “O sa mirë”, që bëri famë e fitoi zemrat e publikut me rolin e tij në këtë komedi.
Policia e Gjakovës, qyteti nga vinte Kurti, fillimisht deklaroi se dyshohej për vetëvrasje, ndërsa tani është nisur edhe një pistë hetimesh për vdekjen e tij.
Vdekjen e 23 vjeçarit, e kanë përjetuar rëndë përveç familjes edhe shumë miq të tij të cilët janë edhe figura publike.
Një ndër ta është edhe reperi Gold AG, i cili ka publikuar bisedën e fundit që kishte më të ndjerin, e po ashtu edhe dedikime plot emocione, ngase ata ishin miq të mirë sepse Gold kishte luajtur në këtë serial gjatë kohës sa po luante edhe Kurti.
