Zbulimet e bëra nga ish-producenti Suge Knight gjatë një interviste me Michael Franzese nuk ishin shumë befasuese.
Nga burgu, ku po vuan dënimin me 28 vjet për vrasje, Knight akuzoi Sean “P Diddy” Combs dhe miqtë e tij se kishin abuzuar seksualisht me Justin Bieber, duke shtuar se pjesa më e keqe është se më shumë se një person i dinte të gjitha këto, megjithatë ata zgjodhën të heshtin.
Bieber u takua me P Diddy në fillim të karrierës së tij, në moshën 15-vjeçare.
Combs, 40 vjeç në atë kohë, e mori nën krahun e tij, duke ndërtuar një marrëdhënie me të që – ta studiosh përsëri vite më vonë – mund të duket shqetësuese.
Muajt e fundit, pas arrestimit të Diddy-t në 16 shtator për trafik seksual, akuza që ai i ka mohuar gjithmonë, janë rishfaqur video në të cilat ai shihet pranë Bieber-it duke i premtuar: “Sapo të bësh 16 vjeç, do të lë të ngasësh këtë Ferrari, kur të jesh 18 vjeç do të të jap vilën”.
Nuk është hera e parë që Knight, ish-CEO i Death Row Records, flet nga burgu dhe as hera e parë që ai akuzon të tjerët se heshtin për atë që bëri Diddy në vitet e White Party, ku morën pjesë edhe “politikanë, princër, madje edhe disa priftërinj”.
“Nuk më intereson nëse është Rick Ross, nuk më intereson nëse është Jay Z, nuk më intereson nëse është Snoop Dogg, askush nuk del përpara”, tha Knight shtatorin e kaluar në një nga podcastet e ndryshme ku ai merr pjesë.
Në qershor ai deklaroi gjithashtu se Dr. Dre, Snoop Dogg dhe Diddy janë pjesë e një shoqërie sekrete, falë së cilës ata kanë arritur të kenë sukses në botën e regjistrimeve.
