Le të fillojnë planet e dasmës!
Në më pak se një javë pasi Justin Bieber i propozoi martesë modeles Hailey Baldwin në Bahamas, fansat t e tyre po shpresojnë që të marrin të gjitha detajet për rrugëtimin e çiftit drejt altarit.
Përderisa çifti po kalon pjesën më të madhe të kohës duke shijuar statusin e ri të lidhjes, revista e njohur amerikane E! News, ka marrë vesh se diskutimet për ditën e madhe kanë filluar që tash.
“Justin dhe Hailey kanë nisur që tani diskutimet për planet e dasmës dhe ata duan që të kenë një fejesë të shkurtër. Ata duan që të martohen vitin tjetër, e dasma do jetë diçka e vogël”, ka thënë një burim i çiftit për revistën. “Ata do t’i involvojnë familjet e tyre në proces dhe nuk duan që të bëjnë celebrim të madh”, shkruan E! News, transmeton Prive. /Prive.al
