Se Capital T është vazhdimisht kërkues dhe nuk ngopet me atë që ka, këtë e kemi kuptuar kaherë në muzikë.
Reperi është siguruar gjithnjë që rrugëtimin e tij artistik të vijë ndryshe duke eksploruar në shtigje të reja.
E duket se me natyrën e tij kërkuese, Trimi ka vendosur të provojë pak edhe fushën e modës.
Përmes rrjeteve sociale, reperi ka zbuluar lansimin e linjës së tij të duksave sportiv dhe kapelave të titulluar ‘CTC – Collection Time Capsule’.
Për të gjithë fansat, porositë mund të bëhen lehtësisht online falë partneritetit të ndërtuar me Gjirafën me çmime që variojnë rreth 50 euro për një duks.
Sasia e serisë së parë është e limituar teksa në të ardhmen mund të presim modele të reja në sasi më të madhe. /Prive.al
