Jonida Vokshi në qershor të këtij viti, zbuloi në emisionin Xing me Ermalin se është e lidhur me një djalë nga Kosova.
Dhe ai është producenti e aktori Besnik Krapi, me të cilin Vokshi ishte njohur në setin e xhirimeve të serialit “O sa mirë” vjet më parë.
Ajo kishte vendosur që të kenë një kujtim të bukur së bashku në ekran, duke e pyetur të fejuarin për veten direkt në emision, madje duke i kërkuar dhe një puthje në buzë. Që të dy kanë ndarë me ndjekësit e tyre në rrjetet sociale çaste nga montazhi i intervistës, në të cilën ata japin lajmin se kanë vendosur të martohen në muajin shtator.
Moderatorja, krahas videos që ka publikuar në “Instagram”, shkruan se më në fund i ka ardhur rasti që ta vërë në siklet partnerin e saj. Ndërkohë, vetë Besniku zbuloi se i ka ndërprerë disa herë xhirimet e intervistës prej sikletit nga pyetjet e tipit “A do doli nusja siç e prisje?” Ai postoi një video, ku shfaqej duke u puthur me “ma të bukurën prej t’bukurave”, siç e cilëson ai partneren e tij, Jonidën.
Në eventin e fundit të “Prifest”, ata bashkëpunojnë si producenti me moderatoren. E pikërisht nga arena e këtij eventi, Jonida postoi një video në Instagram.
Ajo shihet shumë e lumtur duke vrapuar shkallëve dhe duke lozur me fustanin e saj, kurse Besniku që qëndron i ulur duke buzëqeshur dhe admiruar nusen e tij të ardhshme. /Prive.al
